Arte ou publicidade?

Teño que agradecer, e moito, a María Varela que me mandara a ligazón deste anuncio xaponés. Arte en imaxe e madeira. Música, publicidade?

Pinturas de Leandro Lamas, música de Guadi Galego e Guillermo Fernández

Moito me gustou este vídeo ?? obra??. Co permiso da autora e dos autores vouno difundir alá onde eu poida chegar.

Galicia e Madrid

Dentro da programación do festival VERANOS DE LA VILLA está organizada unha serie de concertos de “Música de Galicia en Madrid”. Entre o 30 de xuño e o 21 de xullo actuarán Uxía, Cristina Pato e Rosa Cedrón, Banda Crebinsky, Ialma e Mercedes Peón no auditorio do Espacio Conde Duque de Madrid (como xa dixen)

QUER QUE LLE QUER

Aprendín esta cantiga do meu pai hai tantos, tantos anos... Usaba o retrouso para se meter connosco, cos pequenos, cando collíamos unha perrencha ou nos poñíamos moi choromiqueiros.
E que voces máis antigas! Canto me gusta!

08 O quer que lle quer

Found at: FilesTube

O QUER QUE LLE QUER

E quer que lle quer (3 veces)
que lle fagan a cama,
e quer que lle quer (3 veces)
que lla fagan ben baixa.

Xesús, que diaño de vella,
Xesús, que cousiñas ten,
ela quer que lle quenten a cama
e que se deiten con ela tamén.

E quer que lle quer (3 veces)
que lle ricen o pelo,
e quer que lle quer (3 veces)
que lle metan recheo.

Xesús, que diaño de vella,
Xesús, que cousiñas ten,
e quer que lle quer que lle fagan vestidos
e quer que lle quer que llos fagan xustiños.

E quer que lle quer (3 veces)
que lle faga un refaixo,
e quer que lle quer (3 veces)
que llo fagan ben baixo

Vivaldi a capella.

Pilocha e Mini. Non só na memoria

Canto tempo...! Pilocha, que gusto atoparte e escoitarte.

Poesía de Sophia de Mello Breyner Andresen

Hoxe vai de vídeos e música de Eurico Carrapatoso. Eu non o coñecía e din con el hoxe, buscando a música dunha cantiga portuguesa tradicional, Ó minha amora madura. Teño unha versión do Zeca e penso que sería unha boa peza para o noso coro
Ben, pois este vídeo pon imaxes á poesía de Sophia de Mello Breyner Andresen, unha estupenda autora portugesa que vos recomendo

Con letra de Miguel Torga e música de Eurico Carrapatoso

Miguel Torga é un deses autores cos que todos podemos disfrutar. Eu recomendo Os contos da montaña e Os novos contos da montaña, son libros de relatos moi doados de ler. Se podedes, é mellor ler a Torga en Portugués porque ten unha prosa marabillosa.