QUER QUE LLE QUER

Aprendín esta cantiga do meu pai hai tantos, tantos anos... Usaba o retrouso para se meter connosco, cos pequenos, cando collíamos unha perrencha ou nos poñíamos moi choromiqueiros.
E que voces máis antigas! Canto me gusta!

08 O quer que lle quer

Found at: FilesTube

O QUER QUE LLE QUER

E quer que lle quer (3 veces)
que lle fagan a cama,
e quer que lle quer (3 veces)
que lla fagan ben baixa.

Xesús, que diaño de vella,
Xesús, que cousiñas ten,
ela quer que lle quenten a cama
e que se deiten con ela tamén.

E quer que lle quer (3 veces)
que lle ricen o pelo,
e quer que lle quer (3 veces)
que lle metan recheo.

Xesús, que diaño de vella,
Xesús, que cousiñas ten,
e quer que lle quer que lle fagan vestidos
e quer que lle quer que llos fagan xustiños.

E quer que lle quer (3 veces)
que lle faga un refaixo,
e quer que lle quer (3 veces)
que llo fagan ben baixo

Para nais, pais e filloas. A ver se nos entendemos...

Nos III Encontros de Bibliotecas Escolares de Galicia, Carlos Negro ofreceunos este poema do seu poemario MAKINARIA:

NO WAY
Eles,
que repasan cada noite
as contas da leiteira,
que tratan de envolverme
con ese ton de voz de
rapaz, para un momento,
mallan en min seguido
-pum pum, pum pum-
co martelo constante do deber:
a ver que vas facer da túa vida
[eu que sei]
vai matinando un pouco no futuro
[paso diso]
algo práctico que teña saídas
[o que cadre]
un choio que che dea de comer
[malo será].
Eles,
coa súa lista interminable
de fainos caso e deberías de,
non entenden
que compartimos a mesma casa,
pero non se cadra o mesmo planeta.
[...]